 |
| الراحلة المقيمة نادية عثمان مختار |
دي رسالة لصديق ماحايرد علي نهائي !!
لأنه ( ميت) ورغم موته لكنه حي جوة كل الناس البتحبو !!
نادية عثمان مختار
7
ديسمبر، 2012
حساس غررررريب لمن تدخل صفحة صديقك في
الفيسبوك وتكتب ليهو مخصووووص وانت متأااااااااااكد إنو لا حايرد عليك
ولا حايعمل ليك) لايك) عارفين ليه ؟!!
دي رسالة لصديق ماحايرد علي نهائي
!!
لأنه ( ميت) ورغم موته لكنه حي جوة كل الناس
البتحبو !!
زين أخوي وأستاذي وصديقي الإنسان بكل ماتحمل هذه
الكلمة من معنى !! عارف؟
إستغفر الله العظيم !!
جيت أفتش فيك هنا أخوي .. جيت أقول ليك غلبني
أكتب في فراقك المر أي حرف في جريدة !!
غلبني يازين والله !!
لكن موش صفحتك قاعدة رغم إنك ماحترد علي ولا
حاتعمل (لايك) ولا حاترفع التلفون تعلق على مداخلتي ...
لكن
برضو بكتب ليك يازين وبتونس معاك أخوي أنا !!
تصدق يازين لمن مشيت القاهرة قريب ده مريت
جنب شارعكم وشفتك واقف على ناصية شارع ( جول جمال) بتهظر مع الشارع كلوووو
وبيضجكوا على خفة دمك ومرحك معاهم !!
عارف يا زين ؟ جمال زوجي بسلم عليك وقال ليك الزيك لو مادخل
الجنة بحب الناس ودعواتهم ليهو طيب البدخلها منو ؟!!
يا زين لمن تكون قاعد في الجنة وبتأكل في
التفاح إتذكر إنو في ناس بحبوك وبدعو ليك بكامل السعادة والرحمة والغفران
يازين العابدين كويس ؟!
مرات مرات كدا بجي هنا يازين وايمكن أجيب
معاي جمال و أتونس معاك شوية وأمشي !! وكمان أقول ليك أمك (زينب) رااااااضية عنك
وعافية عنك ياجناها ومدياك جد تم رضاها !
كل البحبوك بسلموا عليك يازين ومشتاقين لضحكتك
وطيبة قلبك النقي زي قلب الأطفال !
وأنت سلم لينا على كل المعاك وأخص بالذكر
أخوي وأستاذي أحمد عبد المكرم والرقيقة الراقية أناهيد كمال وكل الأنقياء
أمثالك .. كويس يازين ؟!!
ليست هناك تعليقات:
إرسال تعليق